Бүх нийтийг ВИТАМИНЖУУЛАХ хөтөлбөр

Зиа

Хэд хоног дарааллаж бүх тэвийзээр нэгэн лут спиртийн үйлдвэр нээгдсэн тухай мэдээ цацагдсан билээ.

Нөгөө цагаан сарын шинийн 1н 2н 3н гээд явдаг шиг.

Хэсэгчилэн нээсэн юм болов уу гэж ухвар мөчид миний бие бээр тунгаасан бөлгөө.

Хэсэгчилэн нээх бүрт улсын айхтар том даргууд цаг алдалгүй хүрэлцэн ирж, инээд алдан нээлцэж байсныг бодвол угаасаа тийм их дуртай, эсвэл Улсын том стратеги бодлогыг хэрэгжүүлэх газар нээгдэж л гэж ойлгосон болно.

Тэр том дарга нарын нэрийг цээжлэн тогтоох хувь надад тохиогоогүй учир нэр дурдах гэж балараад яахав.

Ухагдахуундаа бол нэг их сүржигнэх мэдээ биш санагдсан учраас чихнийхээ хажуугаар, нүднийхээ булангаар өнгөрөөсөн хэрэг.

Гэтэл сая энд нэгэн уриалга явж байхыг үзээд нэг юм толгойд орж ирсэнээ энд сийрүүлэхээр шийдлээ.

Эхлээд уриалгыг ойлгосныхоо дагуу дурдаадхая.

Спиртийн үйлдвэр нээгээд, тэрнийхээ рекламны дүрүүдэд улсад данстай томчуулыг сонгон тоглуулж, тэдгээрийг хүүхэд нохойн доог болгосон тул тухайн үйлдвэрийн бүтээгдэхүүнийг 1 өдөр хэрэглэхгүй байх тухай юм байна.

Болж л байна. Үүнийг Рекламаа буруу сонгосных нь төлөө гээд Блог уншигч та бүхэнд дамжуулан уриалая.

Аан харин одоо надад төрсөн бодлоо хуваалцая.

Лут том үйлдвэр лут том хөрөнгө оруулалт хийгээд лут том үйлдвэр нээжээ.

Мундаг байна. Сайн байна.

Гэтэл тэр том үйлдвэр өнөөдрийг хүртэл Спиртийн үйлдвэргүй байсан юм бол өдийг хүртэл юугаараа архиа хийж ирсэн байж таарах вэ?

Архины хамгийн гол түүхий эд бол ус спирт гэдгийг 90-ээд онд найруулж ууж байсан бүх хүн биерээ мэднэ.

Усаа бол доороосоо ихээ гүн худгаас авчдаг гэсэн. Спирт нь бол тас нууц.

Тэр том компани, нөгөө том компани Спирт Бал бурамаас спиртээ авахаа болиод миний мэдэхийн 10 гаруй жил болж байгаа.

Энэ хооронд өөрсдөө үйлдвэртэй байсан л гэж ойлгож явлаа.

Тэгсэн үгүй юм байна. Сая л нэг нээж.

Тэгэхээр энэ хооронд яаж ч бодсон хувийн спиртийн үйлдвэрээс л авч байсан болж таарах байх.

Арай эрээнээс зөөгөөгүй байлгүй дээ. Түүхий эд буюу архиныхаа шилэнд савлаад оруулж ирж байгаад баригдсан гэж бол сонсогдсон.

Гэхдээ итгээгүй. Арай ийм том компани тийм юм хийхгүй гэж бодоод.

Энэ яахав хадуурцан хов яриад явж байна.

Гэхдээ одоо л нэг өөрсдөө спиртээ хийдэг боллоо гээл сүрхий рекламдаад байх шаардлага байгаа юм уу?

Харин ч ичээд далдхан нуугаад сэмхэн нээчих хэрэгтэй байсан гэж санагдаж байна.

Юу ч болоогүйм шиг дүмбийгээд тээ.

За тэр яахав. Надад нэг асуултад хариулаад өгөх мэддэг хүн байвал хэлээд өгөөрэй.

АПУ компани өчигдрийг хүртэл, Спирт Бал бурам-аас авахаа больсон цагаас хойш энэ 10 гаруй жилийн хугацаанд спиртээ хаанаас авдаг байсан бэ?

За тэгээд юу гэж бодож байна.

Хорсол баяслаа доор үлдээнэ биз.

Та бүхнийг хүндэтгэсэн

Битмин