Бүх нийтийг ВИТАМИНЖУУЛАХ хөтөлбөр

Монгол даяар дөвчигнөсөн гарууд байх юм. Энэ дөвчигнөсөн байдал нь доороосоо аваад дээрээ хүртэл байдаг нь хамгийн сонин.

Жишээ гэвэл тоо томшгүй.

Зах зухаас нь дурдаад явчихая.

Өчигдөржингөө орой 8-аас харихгүй бол байгалийн онц үзэгдэл болно гэж яаж дөвчигнөцгөөвөө. Энд нилээд олон нь толгойгүй дөвчигнөсөн гарууд нэмэгдэж багтана.

Би угаасаа өчигдөр орой шоу төлөвлөсөн байсан. Тэрийгээ хийсэн.

Харин хаа байна тэр байгалийн онц аюултай үзэгдэл нь.

Түр үү жил бас яасан. Газар орой тэдэн цагт хөдлөнө. Яг тэр цагт нь гэрээсээ гараарай гэнэ үү.

Бодвол том лам ах нь тэгэж хэлдэг юм шиг байгаан.

Битгий тэгэж том том тэнэгтэж бай.

Одоо энэ дөвчигнөлүүд нь бүүр эрүүл үзэгдэл шиг болж төр засгийн бодлогод хүртэл очоод наалдаж.

Дөвчигнөж байгаа хүн илүү мундаг харагддаг болж.

Архидан согтуурах амьдрал ахуйд сөргөөр нөлөөлж гэж дөвчигнөлдөж эхэлснээс хойш бүгд архийг чухам үздэггүй баатрууд болцгоосон. Гэхдээ яг ачир дээрээ уух нь ихэссэн үү гэхээс буураагүй.

Бодвол харахаас нүд нь хорсдог болохоор нүдээ тас аниж байгаад л уудаг болсон биз.

Бүх сурталчилгаа, бүр мэдээллийг нь тас хаана гэсэн агуулгатай бас дөвчигнөсөн хууль хүртэл баталсан.

Үр дүн нь юу вэ?

Ингэснээр яг аль архиа уух вэ гэдэг нь хүмүүсийн дунд таамаглалаар хийгддэг алхам болж хувирсан.

Ташраар нь хаасан учраас чанарын тухай ойлголт байхаа больсон. Дурын дураак найркаа хийгээд нам рэхлаамдаад зардаг болсон.

Тэрүүнд нь олон арваараа хордох нь хордож, үхэх нь үхэцгээдэг болсон.

Гоё шилтэй их рекламдсаныг нь сайн гэж ойлгодог болсон.

Энэ бол дөвчигнөлийн үр дүн.

Бүр байтлаа мань мэтийг архины ялгааг хэлэхээр баба юм хэллээ гэж дөвчигнөдөг болж. Уудаггүй юм шиг.

Дөвчигнөл бүүр өдөр тутмын байдаг л зүйл болж.

Одоо бас хүүхдүүд компүүтэр тоглоомонд ихээр донтдог болсон учраас интернэт кафе-ууд буруутай гэж дөвчигнөлдөж эхэллээ.

Одоо энэ дөвчигнөл нь ахиад төрийн хэмжээнд хүрч, интернэт кафенуудыг хаах хууль батлана гэнэ.

Айхтар дөвчигнөж байгаам шүү.

Гэртээ интернэт тавьж чадахгүй, эсвэл шугам нь хүрээгүй хүмүүсийг гадаад ертөнцөөс таслах юм гэнэ.

Залуучууд интернэт хэсч мэдээлэл авах, тоглоом тоглож чөлөөт цагаа өнгөрөөж байгааг хааж, зөвхөн ном унш эсвэл архид гэж хязгаарлах бололтой.

Тэгэж малтаж дөвчигнөлдөхөө болио. Та хэдээс ичиж үхлээ.

Хүүхдээ харж хандаж, сурган хүмүүжүүлэх нь эцэг эхийн үүрэг.

Тэр хүүхэд өдөрт хэдэн цаг тоглож, хэзээ харихыг нь эцэг эх нь шийдвэрлэдэг.

Ташраарaa гудманд гаргасан шахуу болгож хүмүүжүүлснийхээ бурууг аваачиж интернэт кафед нялзаах юм гэнэ.

Би хааяа чөлөөт цагаараа интернэт кафед сайн тоглодог. Олуулаа нийлээд улайраад тогловол хонох ч энүүхэнд. Архидаж хоноогүй, чөлөөт цагаа арай тухтай сонирхолтой өнгөрөөж байна.

Тэр нь тэр хүний өөрийх нь сонголт болж байгаа биз.

Харин дөвчигнөсөн гаруудаа. Та хэд тийм их хууль гаргамаар байгаа бол "эцэг эхчүүд хүүхдэдээ анхаарал тавих" тухай хууль гаргаж батал.

Оо чи бас дөвчгөр гар уу?

Тэгвэл дөвчигнөж туйлшраад 2 талын ханаа налж унаад байлгүй, голоор нь цэх яваад сурчих.

За тэгээд юу гэж бодож байна. Хорсол баяслаа доор үлдээнэ биз.

Та бүхнийг хүндэтгэсэн

Битмин