Бүх нийтийг ВИТАМИНЖУУЛАХ хөтөлбөр

Тамын тогооны үлгэр гэж сайхан эд байна.

Сайхан эд шүү тиймээ. Үр хүүхдэдээ ч ярьж өгч баймаар.

Ухаан нь өөрөөсөө илүү гарах гэсэн бүхнийг татаж өөртэйгээ чацуу авчрах гэсэн чармайлт. Энэний цаана амиа хичээх гэсэн бусдаас хамааралтай ичмээр шар хор.

Ердөө иймэрхүү логиктойгоор тамын тогооны систем ажиллаад байгаа шиг санагддын.

Тэгэхээр байнаа. Энэ тамын тогооны үлгэрээс салахад болохгүй зүйлгүй шиг бодлоо. Яаж вэ гэвэл хорыг хороор гэдэг дээ.

Бүгд л дор дороо хувиа хичээсэн үзэлтэй, багийн тоглолтгүй гарууд шдээ.

Тэгэээр өөрийх нь эрх ашгийг алдагдуулсан тэр гарыхаа эрх ашгийг хөндөх боломжийг нь нөгөөд гаргаад өгөхөд л болоо гэсэн үг юм.

Жишээ болгоод дурдая гэхээр мань мэт нь авдаг цалингүй утсандаа нэгжгүй болохоор автуус зурагтаас өөр жишээ олдох биш.

Автуусан дээр авий.

Автуусан дотроо мангар томоор кондуктор билет өгөхгүй бол та мөнгө төлөхгүй байж болно гээд бичээд хадчих.

Тэгэнгүүтээ кондуктор, жолооч 2-т орлогоос хамаарсан цалингийн тогтолцоо тулгачих.

Яахнуу харая.

Гарууд үнэгүй явчих гээд үзэж тарна. Кондууктор билет таслахгүй хувьдаа хармаалах гэсэн тохиолдол бүрт автуус дүүрэн маргаан үүснэ. Кондууктор залханаа даа.

Тэхээр цаадуул чинь мөнгөө яс хурааж, орлогоо ихэсгэж, авдаг хэдээ нэмэх санаачлагатай болно. Мөнгөө өгөхгүйг нь хөөж буулгана.

Хажуугаар нь өөр чиглэлийн автуус халтуур хийгээд давхиад байвал дээш доош нь ольж байгаад л өөрийхөө орлогоос хумслуулахгүй болно. Нөгөө талаасаа танай автуус аргагүйн эрхэнд цагийхаа дагуу явах маршрутаараа яваад эхлэнэ гэсэн үг.

Энэ үед нь тэр оюутны хөнгөлөлтийн билетийг хүчингүй болгочих хэрэгтэй.

Хэл амтай газар яаж болохын гэж үү. Энэ амархан.

Тэр оюутны билетийн тухай худлаа үнэн хийгдсэн гэрээ байж л таараа.

Тэрүүн дээр хуурамчаар хийх, зориудаар оюутан биш хүнд олговол яах тухай заалт байж л таараа.

Оюутан биш хүнд олгосон тухай баримт бишгүүдээ нэг олдоно тийм үү. Тэрийг нь үндэслээд бүх ТВ сонингоор оюутны холбоо ингэсэн учраас ингэлээ гэж хэд хоног давтаад болоо. Үр дүнд нь тээвэр зохицуулах билүү газар биш Оюутны холбоо муу нэрээ үүрээд үлдэнэ.

Эцэт нь үүсэх үр дүн нь гэвэл хүмүүс мөнгөө төлдөг, автуус компаан шинэчлэлээ өөрөө хийчдэг, жолооч кондууктар хийснээрээ цалинждаг, оройн цагаар дураараа чиглэл сольж нисдэггүй болно. Богино хугацаанд үр дүнгээ өгөхгүй л дээ. Гэхдээ үр дүнтэй.

Зурагтан дээр гальтхан жишээлчий.

Зурагтаар дан рэхлаам яваад үйлийг чинь үзээд байна уу.

Тэгвэл рэхлаам гарангуут сувгаа солиод бай. Тэрийгээ ямар судалгааны агентлаг таараад асуусан ичиж зоволгүй шууд хэлчиж бай. Бусдад ч гэсэн хэлэхгүй юу.

Өөр суваг дээр бас гоё юм гардын байна энэ тэр гээд айн.

Би лав тэгдэг. Олон залуучууд ингэдэг гэж ойлгож байна. Мангар эроотиг хэлчвүү яав.

Нэгэнт судалгаагаар хүн үздэггүй нь тодорхой болсон байхад хоосон рэхлаам цацаж, мөнгөө дэмий үрэх газар ховордоно.

Энийг дагаад ТВүүд ч орлогоо буулгахгүй арга хэмжээ авнаа даа.

Цацалтын үнээ нэмээд реклам цацалтын давтамжаа цөөлнө.

Эцэст нь ТВ ч та ч хээпий. Няа няа.

Угаасаа 1 момээнтод Улаанбаатарын 1 сая хүний хэд нь зурагтын өмнө сууж, яг хэд нь 11-н ширхэг ТВ-ийн нэг дээр төвлөрөөд, хэд нь рэхлаам гарахад сувгаа солихгүй байж, тэр сольдоггүй хэдийн яг хэд нь танай зорилтот хэрэглэгч вэ гэдгийг гашилсан хэдэн маркетерүүд ялгаад ойлгох цаг нь болсон санагддаг юм. 

Энэ мэтчилэн хорыг хороор арга монголд мөнчиг олон юманд үр дүнгээ өгнө дөө.

За тэгээд юу гэж бодож байна. Хорсол баяслаа доор үлдээнэ биз.

Та бүхнийг хүндэтгэсэн

Битмин